«Mis Biełaruś» stała 18-hadovaja madel. Jana atrymała ŭ padarunak 14 500 rubloŭ i aŭtamabil Geely
10 vieraśnia ŭ Pałacy sportu prajšoŭ finał konkursu «Mis Biełaruś 2021». Pieramožcaj stała 18-hadovaja Darja Hančarevič. Jana pracuje madellu i vykładčycaj defile ŭ Nacyjanalnaj škole pryhažości.
Aproč karony ź biełaha zołata z bryljantami i tapazami, dziaŭčyna atrymała hrašovuju premiju — 14 500 rubloŭ (500 bazavych vieličyń) i bryljantavyja zavušnicy. Padaryli taksama aŭtamabil Geely.
U śniežni Darja pradstavić krainu na mižnarodnym konkursie «Mis śvietu» ŭ Puerta-Ryka.
Na konkursie siarod haściej prysutničaŭ Alaksandr Łukašenka. A taksama ministr kultury Anatol Markievič.
Pieršaj vice-mis stała Alaksandra Papok. Joj 19 hadoŭ, rodam ź Pietrykava, vučycca ŭ BDEU na fakultecie kamiercyi i turystyčnaj industryi. Zajmajecca SMM.
Druhaja vice-mis — 21-hadovaja Julija Ioŭleva. Skončyła mahistraturu Univiersiteta kultury, pryzior mižnarodnych spabornictvaŭ pa mastackaj himnastycy.
Čym admietny sioletni konkurs? Za apošnija hady jon bolš staŭ asacyjavacca sa śfieraj dziaržaŭnaj palityki. U niekatorych haradach kastynhi prajšli biez ažyjatažu: u Navapołacku i Breście naohuł pryjšło pa adnoj dziaŭčynie.