Kiraŭnik chakiejnaj fiederacyi Baskaŭ napisaŭ zajavu na zvalnieńnie, chacia raniej nie źbiraŭsia hetaha rabić
Kiraŭnik Fiederacyi chakieja Biełarusi Dźmitryj Baskaŭ napisaŭ zajavu ab zvalnieńni.
Pra heta paviedamlaje telekanał BT.
«U svaim rašeńni ja kiravaŭsia adnym: biełaruski chakiej nie pavinien paciarpieć», — zajaviŭ Baskaŭ ŭ teleefiry.
Nahadajem, 8 vieraśnia Mižnarodnaja fiederacyja chakieja pryniała rašeńnie nakłaści sankcyi na adyjoznaha kiraŭnika biełaruskaj fiederacyi Dźmitryja Baskava. Jaho abvinavačvajuć u złoŭžyvańni słužbovym stanoviščam, cisku na spartoŭcaŭ i datyčnaści da śmierci Ramana Bandarenki. Adrazu paśla abviaščeńnia dyskvalifikacyi FCHB zajaŭlała, što Baskaŭ zastaniecca kiraŭnikom fiederacyi.
Rašeńnie ab dyskvalifikacyi Baskava było pryniataje paśla 10 miesiacaŭ rasśledavańnia.
IIHF paviedamlaje, što 25 listapada raspačała rasśledavańnie pa mahčymym dačynieńni Baskava da incydenta sa śmierciu Ramana Bandarenki. Fiederacyja atrymała spravazdačy ad Biełaruskaha fondu spartovaj salidarnaści i daručyła niezaležnaj daśledčaj firmie pravieści analiz ahulnadastupnaj infarmacyi na hety kont.
«Hruntujučysia na acency paviedamleńniaŭ ŚMI, aŭdyjazapisaŭ i fatahrafij, firma pryjšła da vysnovy, što, choć nielha vyklučać prysutnaść Baskava na mierapryjemstvie, jana nie znajšła dokazaŭ aktyŭnaha ŭdziełu Baskava ŭ napadzie na Bandarenku, — havorycca ŭ paviedamleńni. — Akramia taho, firma ŭkazała, što Baskaŭ ličycca zaŭziatym prychilnikam prezidenta Biełarusi Alaksandra Łukašenki i ŭdzielničaŭ u palityčnych mitynhach u padtrymku Łukašenki ŭ 2020 hodzie.
U červieni 2020 hoda Baskaŭ napisaŭ adkryty list z krytykaj spartsmienaŭ, jakija padtrymlivajuć apazicyjny ruch Biełarusi. Firma taksama ŭpamianuła pra paviedamleńni, što Baskaŭ u jakaści spartovaha kiraŭnika zvolniŭ niekalki «nienadziejnych» spartsmienaŭ i trenieraŭ».
Taksama IIHF adznačyła, što biełaruski NAK nie abaraniŭ naležnym čynam spartsmienaŭ ad dyskryminacyi pa palityčnych pohladach. Tamu Mižnarodny alimpijski kamitet vyklučyŭ z členaŭ NAK Alaksandra Łukašenku i Dźmitryja Baskava.
