Mužčyna paspračaŭsia ź nieznajomcami, što vyhuknie «Žyvie Biełaruś» u tralejbusie, a jany akazalisia ź milicyi. Vynik — 30 sutak
61-hadovaha Michaiła Dubinu 8 vieraśnia zatrymali na prypynku hramadskaha transpartu za łozunh «Žyvie Biełaruś» u tralejbusie, pišuć pravaabaroncy.
«Nieabyjakavy hramadzianin» paskardziŭsia ŭ milicyju na toje, što «nieviadomy mužčyna vychodziŭ i vykrykvaŭ łozunh». Tamu pa vychadzie z transpartu Michaiła adrazu zatrymali milicyjanty. U Frunzienskim RUUSie na mužčynu skłali pratakoł pa art. 24.23 KaAP za niesankcyjanavanaje pikietavańnie.
Siońnia spravu Dubiny razhledzieła sudździa Maryja Jarochina. Michaił śćviardžaje, što ŭ tralejbusie paspračaŭsia z dvuma mužčynami na šakaładku, što vykryknie «Žyvie Biełaruś». U vyniku akazałasia, što hetyja mužčyny — milicyjanty ŭ cyvilnym.
Sudździa Jarochina pryznała Michaiła vinavatym i pakarała jaho 30-sutačnym aryštam.