Łatvija admoviła Biełarusi ŭ pravavoj dapamozie pa «kryminalnaj spravie ab hienacydzie»
Hienieralnaja prakuratura Łatvii sa spasyłkaj na artykuł 17 damovy pamiž Biełaruśsiu i Łatvijaj ab pravavoj dapamozie i pravavych adnosinach pa hramadzianskich, siamiejnych i kryminalnych spravach ad 21 lutaha 1994 hoda admoviła ŭ zadavalnieńni zapytu Hienprakuratury Biełarusi ab pravavoj dapamozie pa kryminalnaj spravie ab hienacydzie nasielnictva Biełarusi padčas Vialikaj Ajčynnaj vajny i paślavajennyja hady.
Raniej Hienprakuratura Biełarusi zaviała kryminalnuju spravu ab hienacydzie nasielnictva BSSR u hady Vialikaj Ajčynnaj vajny i nakiravała daručeńni ŭ šerah krain: Litvu, Łatviju, ZŠA, Vialikabrytaniju, Kanadu, Aŭstraliju — z prośbaj ab akazańni pravavoj dapamohi.
Asablivaja ŭvaha źviartałasia na dziejnaść łatyšskich bataljonaŭ pa źniščeńni mirnaha nasielnictva na terytoryi Biełarusi.
«U materyjałach kryminalnaj spravy majecca infarmacyja pra toje, što na terytoryi Łatvii, ZŠA, Vialikabrytanii, Aŭstralii i inšych krain u ciapierašni čas pražyvaje 96 (ceły šerah) byłych členaŭ łatyšskaha lehijona SS, 15-j łatyšskaj dyvizii Vafen-SS i inšych złačynnych arhanizacyj pieryjadu Vialikaj Ajčynnaj vajny. U ciapierašni čas praviarajecca ich dačynieńnie da ździajśnieńnia aktaŭ hienacydu ŭ adnosinach da mirnych hramadzianam Biełarusi», — kazaŭ hienprakuror Andrej Švied.
Raniej u takoj dapamozie admoviła Litva.
