«Maša hučna śmiajałasia, kali pahladzieła vypusk pa TB pra ich sud». Alaksandr Kaleśnikaŭ raspavioŭ ab sustrečy z dačkoj u SIZA ŭpieršyniu za hod.
Alaksandr Kaleśnikaŭ raspavioŭ ab sustrečy z dačkoj u SIZA ŭpieršyniu za hod.
U Maryi dobraje samaadčuvańnie, štodnia jana nakručvaje bolš za 11 tysiač krokaŭ. Na «spatkańni» jana była pryhoža apranutaja i z tradycyjnaj čyrvonaj pamadaj.
Maryja zachaplajecca prafiesijanalizmam i talentam Maksima Znaka i biare ź jaho prykład u spartyŭnych dasiahnieńniach. Taksama jana pieradała vialikuju padziaku ŭsim advakatam i ličyć, što byłych advakataŭ nie byvaje. Da svaich mižnarodnych uznaharod jana stavicca davoli ścipła.
Sudovy praces nad saboj jana ličyć parodyjaj na pravasudździe i padziakavała prapahandystam za siužety, ź jakich jana robić svaje vysnovy.
Maryja była ŭražanaja kolkaściu ludziej, jakija pryjšli jaje padtrymać, i asabliva rasčulenaja była apładysmientami. Taksama jana paprasiła pieradać vialikuju padziaku ludziam, jakija padtrymlivajuć jaje siamju.
