Adkaz pres-sakratara Biełaruskaha kaścioła na abrazu «Minskaj praŭdy»: My molimsia i za našych vorahaŭ
Pres-sakratar Katalickaj carkvy ŭ Biełarusi Juryj Sańko prakamientavaŭ vokładku apošniaha numara haziety «Minskaja praŭda», dzie ŭ śviataroŭ zamiest kryžoŭ namalavanyja svastyki
«Bolš pytańniaŭ, čym adkazaŭ!
U čas, kali biełaruski narod stomleny vyrašeńniam hramadska-palityčnych pytańniaŭ. Zmučany baraćboj z pandemijaj karanavirusa. U śviatle novaŭtvoranaha dziaržaŭnaha śviata «Narodnaha adzinstva». Redakcyja haziety «Minskaja praŭda» Minskaha abyłvykankama pluje ŭ tvar niekalkim miljonam katolikam, jakija žyvuć u našaj krainie, a kali uvažliva pahladzieć na raźmieščanuju na pieršaj staroncy karykaturu, dzie źnievažajecca kryž, to liču, što abražajuć usich chryścijan. Prapahanda nacysckaj simvoliki.
Niama žadańnia aceńvać nabor litar, jaki padajecca jak artykuł, lepš heta zrobiać historyki. Dy i pra karykaturu razvažać tym bolš. Dziaržaŭnaja ustanova, zakony viedajuć.
Što heta? Pravakacyja? Chajp? Sumna, ale heta naša rečaisnaść!
Nie mahu nie nahadać, što kožny tydzień my molimsia i za vorahaŭ kaścioła!».
