Byłaja žonka Paŭličenki ładzić svoj konkurs pryhažości
Alaksandra Kiryłovič — byłaja śpiecnazaŭka i mama čatyroch dziaciej. U 2019 hodzie jana pradstaŭlała krainu na konkursie «Misis Suśviet». A sioleta vyrašyła arhanizavać svoj konkurs dla šmatdzietnych mam.
Udzielničać u «Krasie Biełarusi» mohuć biełaruski va ŭzroście ad 25 da 45 hadoŭ, zamužnija i biez muža, z dobraj źniešnaściu i aktyŭnaj žyćciovaj pazicyjaj.
«Sens hetaha konkursu ŭ tym, kab šmatdzietnaja žančyna asacyjavałasia z modnym, pryhožym, intelektualna raźvitym, prestyžnym vobrazam. A paniaćcie maciarynstva — z uśviadomlenym žadańniem, płanavańniem i vychavańniem dziaciej», — tłumačyć Alaksandra.
Partnioram stała «Biełaja Ruś». Alaksandra ŭžo pabyvała na naradzie z deputatam Hienadziem Davydźkam.
Kastynhi adbylisia letam, sam konkurs projdzie ŭ Minsku z 11 pa 18 vieraśnia.
U intervju «Našaj Nivie» pryhažunia raniej raskazvała, što jaje pieršym žanichom byŭ eks-kamandzir Śpiecyjalnaha atrada chutkaha reahavańnia Dźmitryj Paŭličenka. Ad jaho Alaksandra naradziła dačku Sabrynu — takoje imia joj daŭ baćka, u honar SACHR (pa-rusku «SOBR»).
Razyścisia ź Dźmitryjem było rašeńniem Sašy.
«U peŭny momant jaho byłaja žonka nie znajšła siabie ŭ asabistym žyćci i pačała zmahacca za majomaść, manipulavać synam. Ja kali ŭbačyła, što mužčyna dziejničaje pa pryncypie «syn nie daruje, a dačka daruje zaŭsiody»… Jon kachaŭ mianie, ale nie viedaŭ, što rabić. U mianie było takoje adčuvańnie, što ŭ ich z byłoj žonkaj niešta nie skončana. Mahčyma, jon sprabavaŭ da jaje pavažliva stavicca, a jana ŭsprymała heta inakš. My žyli hramadzianskim šlubam i za miesiac da viasiella razyšlisia. Jaho byłaja žonka chvalavałasia, što my raśpišamsia i ja aŭtamatyčna budu mieć prava na ŭsiu majomaść. A ja nikoli čužoha nie vykarystoŭvała, mnie čužaja enierhietyka, tym bolš kali jana źviazana z drennymi ŭspaminami, niepatrebnaja».
Ź Dźmitryjem Alaksandra zastałasia ŭ dobrych adnosinach, jon staŭ chrosnym baćkam jaje synoŭ.
Čytajcie:
«Našy adnosiny z druhim mužam pačalisia niapravilna — ź ciažarnaści». Byłaja žonka Paŭličenki jedzie ad Biełarusi na «Misis Suśviet»
