Leta 2021 hoda było adnym z samych haračych za ŭsiu historyju mieteanazirańniaŭ u Biełarusi
Fota Nadziei Bužan
Leta 2021 hoda było adnym z samych haračych za ŭsiu historyju mieteanazirańniaŭ u Biełarusi, paviedamlaje BiełTA.
Siaredniaja pa krainie tempieratura pavietra za letni siezon 2021 hoda skłała +20, što na 2,6 hradusa vyšej za klimatyčnuju normu. Leta 2021 hoda zaniało 2-je miesca ŭ 141-hadovym nazirańni, sastupiŭšy tolki letu 2010 hoda.
Za minułaje leta adznačana ad 36 da 66 haračych dzion (z tempieraturaj +25 i vyšej) pry normie 22-48 takich dzion i ad 7 da 32 vielmi haračych dzion (z tempieraturaj +30 i vyšej) pry normie 1-6. Maksimalnaja tempieratura pavietra letniaha siezona (+37,1) zarehistravanaja 23 červienia na stancyi Akciabr, minimalnaja (+1) — 1 červienia na stancyi Minsk i 25 žniŭnia na stancyi Jeziaryšča.
Tempieraturny režym leta byŭ nieadnarodnym. Vielmi ciopłymi byli pieršyja dva miesiacy, žnivień byŭ blizkim da normy.