U Homieli pad kryminałku trapiŭ 35-hadovy hruzčyk. Jon «abraziŭ» za adnu noč 19 čynoŭnikaŭ i siłavikoŭ
U Homieli pad «kryminałku» trapiŭ 35-hadovy hruzčyk. Jaho abvinavačvajuć u abrazie 19 čynoŭnikaŭ i siłavikoŭ, u tym liku Łukašenki, paviedamlaje pres-słužba Śledčaha kamiteta.
Mužčyna byŭ padpisany na kanały, dzie publikavalisia asabistyja źviestki siłavikoŭ. Sa śniežnia pa krasavik jon pisaŭ «kamientary abraźlivaha charaktaru, vykazanyja ŭ nieprystojnaj formie». Śledčyja naličyli 21 kamientar pad pastami z fotazdymkami milicyjantaŭ ź Minska, Homiela, Mahilova, Viciebska, Bresckaj vobłaści, prakuroraŭ i sudździaŭ z Homiela i Minska i deputata z Homielskaha rajona. Tolki za adnu krasavickuju noč mužčyna paśpieŭ «abrazić» adrazu 19 čałaviek.
Mužčynu 35 hadoŭ, chałasty, raniej nie sudzimy, pracavaŭ hruzčykam.
Jaho abvinavačvajuć pa troch artykułach Kryminalnaha kodeksa. Mužčynu ŭziali pad vartu.
