Na «padarunki» dla pryzioraŭ Alimpijady i Paralimpijady dziaržava patracić bolš za 900 tysiač dalaraŭ
Hrošy, zhodna z zahadam Łukašenki, vydajucca za miedali. Akramia taho, trenieram daduć ad 20% da 100% ad taho, što naležyć spartoŭcam.
Ihar Bokij
Heta značyć, što ahulnaja suma moža być navat bolšaj, zaŭvažaje «Jeŭraradyjo».
Tak, za zołata Alimpijady vypłačvajucca hrošy ŭ pamiery 12 tysiač bazavych (348 tysiač rubloŭ), za srebra — 6 tysiač bazavych vieličyń (174 tysiačy), za bronzu — 4 tysiačy bazavych vieličyń (116 tysiač).
Za Paralimpijadu mienšyja sumy: 4 tysiačy bazavych, 2,4 tysiačy i 1,6 tysiačy adpaviedna.
Tym nie mienš samyja vialikija pryzavyja buduć u paralimpijca Ihara Bokija — 580 tysiač rubloŭ (abo 230 tys dalaraŭ) za 5 załatych miedaloŭ.
Treba zaznačyć, što vyniki Alimpijady i Paralimpijady ŭ hetym hodzie stali horšymi ŭ historyi dla Biełarusi. Na Alimpijadzie biełarusy ŭziali siem miedaloŭ (adzin załaty Ivana Litvinoviča, try siarebranyja i try bronzavyja).
Z Paralimpijady biełarusy viazuć taksama siem miedaloŭ: piać załatych Ihara Bokija, a taksama srebra płyŭca Jahor Šałkunova i bronza Lizaviety Piatrenki ŭ kidańni kapja.
