U Simfieropali la budynka FSB zatrymali amal 50 krymskich tataraŭ
U subotu, 4 vieraśnia, rasijskija siłaviki ŭ akupavanym Krymie zatrymali 40 čałaviek, jakija chacieli daviedacca pra los piaci krymskich tataraŭ, zatrymanych napiaredadni. Pra heta paviedamlaje «Krymskaja salidarnaść».
«Kala budynka FSB na vulicy Franko ŭ Simfieropali zatrymali 40 čałaviek. Siarod ich jak mužčyny, tak i žančyny. Hetak ža byli zatrymanyja 2 hramadzianskija žurnalisty.
Nahadajem, što ŭnačy 4 vieraśnia ŭ akupavanym Krymie, u damach krymskich tataraŭ Eldara Adamanava, Aziza Achtemava, Šaŭkieta Usieinava i Asana Achtemava prajšli pieratrusy. Siłaviki kanfiskavali techniku i pavieźli mužčyn z saboj. Ni ŭ kaho niama infarmacyi, dzie znachodziacca aktyvisty. U tuju ž noč u vioscy Pieršamajskaje, u domie pieršaha namieśnika staršyni Miedžlisa krymskatatarskaha naroda Narymana Dželała praviali pieratrus. Aktyvista zatrymali.
