U Rasii sud zabaraniŭ Google reahavać na pošukavy zapyt «razumnaje hałasavańnie»
Sud u Rasii zabaraniŭ pošukaviku Google pakazvać u pošukavaj vydačy słovazłučeńnie «razumnaje hałasavańnie», jakoje źviazana ź inicyjatyvaj Alaksieja Navalnaha napiaredadni majučych adbycca vybaraŭ. Anałahičnaje pradpisańnie pryniata i ŭ dačynieńni da «Jandeksa».
Pierad vybarami, jakija projduć u Rasii z 17 pa 19 vieraśnia (u tym liku ŭ Dziaržaŭnuju dumu), rasijski sud pryniaŭ rašeńnie pa pazovie staŭrapolskaj kampanii «Vulintrejd», jakaja raniej atrymała ŭ dziaržavy prava na łahatyp i tavarny znak «Razumnaha hałasavańnia».
Asnoŭny vid dziejnaści kampanii «Vulintrejd» — narychtoŭka i prodaž voŭny, što nijak nie źviazana z vybarami.
Razumnaje hałasavańnie — stratehija kamandy Alaksieja Navalnaha z metaj pazbavić partyju «Adzinaja Rasija» hałasoŭ na municypalnych, rehijanalnych i fiederalnych vybarach u Rasii.
