Mercedes zrabiŭ adzieńnie ź pierapracavanych padušak biaśpieki
Z nahody 50-hodździa paduški biaśpieki i 40-hodździa jaje ŭkaranieńnia ŭ aŭtamabili kampanija Mercedes-Benz u supracoŭnictvie z dyzajnieram vysokaj mody Chieronam Prestanam stvaryła novuju liniju adzieńnia ź pierapracavanych padušak biaśpieki. Pra heta paviedamlaje RBK-Ukraina.
Chieron Prestan (u centry) i jaho kapsulnaja kalekcyja adzieńnia dla Mercedes. Fota media.daimler.com
U hetym hodzie spaŭniajecca paŭstahodździa z momantu atrymańnia patenta na padušku biaśpieki i 40 hadoŭ z tych časoŭ, jak Mercedes-Benz prapanavaŭ pieršuju nadzimanuju padušku biaśpieki ŭ jakaści opcyi na siedanie S-kłasa sieryi W126.
Sistemy pasiŭnaj i aktyŭnaj biaśpieki vielmi važnyja dla kampanii, tamu było vyrašana adznačyć jubilej vielmi niezvyčajnym sposabam — stvareńniem linii adzieńnia, vykananaj ź pierapracavanych padušak biaśpieki. I tak, adzieńnie… nadzimajecca!
Dla stvareńnia linii adzieńnia Mercedes zaprasiŭ znakamitaha amierykanskaha madeljera Chierona Prestana, jaki viadomy jak prapahandyst ekałahičnaści, navatarstva i ŭstojlivaha raźvićcia. Prestan prydumaŭ kanceptualnuju kalekcyju Airbag — try vobrazy mužčynskaha i žanočaha adzieńnia, stvoranyja z vykarystańniem pierapracavanych padušak biaśpieki.
Dla jašče bolšaha padabienstva z paduškami biaśpieki i adlustravańnia pryncypu ich dziejańnia Prestan schavaŭ unutry prystasavańni, jakija dazvalajuć nadzimać vopratku.
Mercedes abraŭ Prestana nie tolki za jaho avanhardny dyzajn, ale i za jaho imknieńnie z 2016 hoda vykarystoŭvać u svaim biznesie mienš razburalnyja dla navakolnaha asiarodździa mietady i materyjały.
