Trahiedyja ŭ Mazyrskim rajonie: chłopiec zabiŭ maci svajoj znajomaj, a paśla vypaŭ z samoj dziaŭčynaj z 9 paviercha — aboje zahinuli
Trahiedyja adbyłasia ŭ šmatdzietnaj siamji ŭ Mazyrskim rajonie.
Jak paviedamlaje milicyja, u kvatery na 9 paviersie znachodziłasia 39-hadovaja maci, jaje 11-hadovy syn i starejšaja 21-hadovaja dačka. U hości da dziaŭčyny pryjechaŭ 26-hadovy znajomy z Rečyckaha rajona. Pa papiaredniaj infarmacyi, pamiž imi ŭźnikła svarka, u jakuju była ŭciahnuta i maci dziaŭčyny. Małady čałaviek nakinuŭsia z nažom na haspadyniu kvatery, ad ranieńniaŭ jana pamierła na miescy. Za mamu zastupiŭsia niepaŭnaletni syn — jamu taksama byli naniesienyja ranieńni. Ciapier jon znachodzicca ŭ špitali.
Kanflikt dziaŭčyny i chłopca praciahnuŭsia na leśvičnaj placoŭcy. Praz čas ich cieła znajšli na kazyrku padjezda. Chłopiec u vyniku padzieńnia z akna pamior na miescy. Dziaŭčyna pamierła ŭ aŭtamabili chutkaj miedycynskaj dapamohi.
Ciapier śledčyja vyśviatlajuć usie akaličnaści taho, što adbyłosia.
