Žycharka Kiraŭskaha rajona zabiła maci siakieraj. Vyjšła na svabodu i zabiła siakieraj baćku
Trahiedyja adbyłasia ŭ krasaviku ŭ vioscy Stoŭpišča. 31-hadovaja žančyna raśpivała ałkahol sa svaim 74-hadovym baćkam. Pamiž svajakami ŭźnik kanflikt, dačka pačała rukami i nahami źbivać stałaha tatu, paśla ŭziała pałku, na jakuju jon abapiraŭsia, kali chadziŭ, i siakieru. Mužčyna pamior na miescy.
Ekśpierty pryjšli na vysnovy, što ŭ momant ździajśnieńnia złačynstva žančyna pakutavała ad psichičnaha rasstrojstva, adnak razumieła, što robić.
Heta nie pieršaje jaje zabojstva — u 2010 hodzie jana siakieraj zabiła svaju maci. Papraŭčy praces u kałonii, jak vidać, ničoha nie źmianiŭ — žančyna nidzie nie pracavała, złoŭžyvała ałkaholem, iznoŭ zabiła čałavieka.
Ciapier fihurantka kryminalnaj spravy ŭ SIZA, chutka adbudziecca sud. Jaje jak raniej sudzimuju za zabojstva abvinavačvajuć u asabliva žorstkim zabojstvie sastarełaha čałavieka, na hety raz joj pahražaje da 25 hod źniavoleńnia.