Pamiatajecie studenta, jaki na sustrečy z Łukašenkam kazaŭ, što choča być prezidentam? Jon ciapier u kamandzie Vaskrasienskaha
U studzieni ŭ BDU prachodziła sustreča studentaŭ z Alaksandram Łukašenkam. Na joj pieršakurśnik jurfaka Pavieł Hardziajuk amal hadzinu pytaŭsia ŭ Łukašenki pra Kanstytucyju i rolu moładzi ŭ palitycy. A potym pryznaŭsia, što maje prezidenckija ambicyi.
Paśla toj sustrečy dziaržkanały stali zaprašać studenta ŭ efir. Tam Pavieł vykazvaŭsia pra CT, špatpartyjnaść.
Ciapier Hardziajuk u kamandzie Vaskrasienskaha.
«Jon paprasiŭsia sam. Pracuje ŭ arhkamitecie pa stvareńni partyi «Demakratyčny sajuz», viadzie štotydniovyja naviny na našym kanale. Aproč taho, jon siabra pravaabarončaj kamisii, jakaja razhladaje ŭ tym liku pytańni pamiłavańnia asudžanych», — raskazaŭ Juryj Vaskrasienski.
Cikava, što ŭ 2019 hodzie Pavieł, tady jašče školnik, zaniaŭ z kamandaj treciaje miesca ŭ adkrytym turniry pa matematycy ŭ Sankt-Pieciarburhu. Na ŭznaharodžańnie vučni vyjšli pad bieł-čyrvona-biełym ściaham.
timeforscience.ru
