Ministr sportu pastaviŭ biełaruskim alimpijcam za Tokia «zdavalniajuča z maleńkim plusam»
Ministr sportu i turyzmu Siarhiej Kavalčuk u efiry ANT acaniŭ na «zdavalniajuča z maleńkim plusam» vystupleńnie biełaruskich atletaŭ na Alimpijskich hulniach u Tokia.
Siarhiej Kavalčuk prapanavaŭ pahladzieć na vyniki inšych krain. Tak, Litva zavajavała adzin miedal, spartsmieny Łatvii i Estonii dvojčy padymalisia na alimpijski pjedestał. Kazachstan uziaŭ 8 miedaloŭ, ale ŭsie bronzavyja, Ukraina — 19, ale zołata, jak i ŭ Biełarusi, tolki adno. U Azierbajdžana taksama 7 miedaloŭ.
«Ja b pastaviŭ «zdavalniajuča» z maleńkim plusam, tamu što jašče ŭmovy na hetaj Alimpijadzie byli śpiecyfičnyja: staŭleńnie da našaj krainy ŭ peŭnych umovach było śpiecyfičnym», — skazaŭ čynoŭnik.
Nahadajem, što sioleta biełaruskija spartoŭcy ŭstalavali antyrekord za ŭvieś čas vystupleńniaŭ na Alimpijadzie — usiaho siem miedaloŭ. Čynoŭniki trapili ŭ mižnarodny skandał z Kryścinaj Cimanoŭskaj, a nacyjanalny alimpijski kamitet — pad sankcyi ZŠA.
