Hiendyrektar hoster.by, jaki pravioŭ try miesiacy ŭ SIZA, zajaviŭ, što na nastupnym tydni viartajecca na pracu
Fihurant «spravy Tutbaj» Siarhiej Pavališaŭ dniami vyjšaŭ na svabodu. Jamu źmianili mieru ŭtrymańnia, na jakuju mienavita, nie paviedamlajecca. Ale ŭ zvarocie da kaleh Pavališaŭ adznačyŭ, što na nastupnym tydni ŭžo źjavicca na pracy. Heta značyć, jon nie pad chatnim aryštam.
Hiendyrektar hoster.by pa-raniejšamu zastajecca abvinavačanym va ŭchileńni ad spłaty padatkaŭ. Za kratami — 11 fihurantaŭ «spravy Tutbaj», jašče čatyry — pad inšaj mieraj utrymańnia, u tym liku suzasnavalnica hoster.by Julija Čarniaŭskaja (jana pad chatnim aryštam).
Pa viersii śledstva, Tutbaj niezakonna karystaŭsia lhotami jak rezident Parka vysokich technałohij pry spłacie padatkaŭ, čym nanios uron biudžetu. Kampanija publična abviarhała abvinavačvańni.
U dzień, kali siłaviki pryjšli ŭ ofis kampanii, stała viadoma, što Tutbaj vykinuli z PVT pa patrabavańni DFR. hoster.by ža pa-raniejšamu zastajecca rezidentam PVT.