Prezident Litvy: Krainie ŭdałosia stabilizavać situacyju ź nielehałami
Prezident Litvy Hitanas Naŭsieda ličyć, što adkaznym instancyjam krainy ŭdałosia pieraadoleć mihracyjny kryzis, źviazany z masavym napłyvam mihrantaŭ z Azii i Afryki, jakija pranikali na praciahu niekalkich apošnich miesiacaŭ u krainu z terytoryi susiedniaj Biełarusi.
lrytas.lt
Ab hetym kiraŭnik dziaržavy zajaviŭ u čaćvier žurnalistam, paviedamlaje TASS.
«Chaču skazać našym hramadzianam: samaje važnaje — toje, što my zmahli stabilizavać situacyju ź mihracyjaj», — adznačyŭ jon.
Prezident padkreśliŭ, što kolkaść asob, jakija sprabujuć niezakonna pierasiekčy miažu, źmienšyłasia ŭ razy i bolš nie raście.
«Nam užo nie treba šukać novyja miescy dla raźmiaščeńnia hetych ludziej, kolkaść mihrantaŭ nie pavialičvajecca», — skazaŭ Naŭsieda.
Z pačatku hoda na litoŭska-biełaruskaj miažy zatrymanyja bolš za 4 tysiačy nielehalnych mihrantaŭ. Heta ŭ 50 razoŭ bolš, čym za ŭvieś 2020 hod. Pryčym pik pryjšoŭsia na letnija miesiacy, naprykład, 31 lipienia tolki za adzin dzień byli zatrymanyja 216 čałaviek.
