Dziaržaŭny pamiežny kamitet Biełarusi dazvoliŭ pieradać dapamohu afhancam na miažy
Dziaržpamiežkamitet Biełarusi «prajaviŭ dobruju volu» i dazvoliŭ pieradać dapamohu afhancam na miažy.
«Niahledziačy na toje, što hrupa raźmiaščajecca na terytoryi Polščy, Dziaržpamiežkamitet prajaviŭ dobruju volu i paličyŭ nieabchodnym prapuścić u pamiežnuju pałasu pradstaŭnikoŭ Upraŭleńnia Viarchoŭnaha Kamisara AAN pa spravach biežancaŭ i Biełaruskaha tavarystva Čyrvonaha Kryža. Heta zroblena dla taho, kab jany zmahli pakinuć na linii miažy pradmiety pieršaj nieabchodnaści dla biežancaŭ z Afhanistana», — skazana ŭ paviedamleńni viedamstva.
Nahadajem, užo bolš za try tydni na biełaruska-polskaj miažy niedaloka ad polskaha horada Usnaž-Hurny ŭ Padlaskim vajavodstvie žyvuć dziasiatki mihrantaŭ z Afhanistana.
Uciekačy z Afhanistana ŭžo amal dva tydni sprabujuć nielehalna pierasiekčy polskuju miažu. Ciapier z adnaho boku ich achoŭvajuć biełaruskija siłaviki, nie dajučy viarnucca ŭ Biełaruś, a ź inšaha — polskija pamiežniki, nie dazvalajučy prajści ŭ Polšču.
