«My praciahniem pracu». BiełaPAN vystupiŭ z zajavaj u suviazi z zatrymańniami svaich supracoŭnikaŭ
«BiełaPAN rasceńvaje toje, što adbyvajecca, jak praciah palityki zadušeńnia svabody słova ŭ Biełarusi i patrabuje nieadkładnaha vyzvaleńnia zatrymanych kaleh, a taksama ŭsich žurnalistaŭ, jakija znachodziacca ŭ źniavoleńni», — havorycca ŭ zajavie.
«Praca kampanii ŭ Minsku paralizavanaja, adnak častka redakcyi znachodzicca ŭ biaśpiecy za miežami Biełarusi i praciahnie pracu, kab zabiaśpiečvać padpisčykaŭ i čytačoŭ apieratyŭnaj i dakładnaj infarmacyjaj, jak heta było na praciahu amal 30 hadoŭ z dnia stvareńnia BiełaPAN», — zajaŭlaje redakcyja.
Nahadajem, 18 žniŭnia ŭ ofisie, a taksama ŭ piaci ciapierašnich supracoŭnikaŭ i ŭ adnaho eks-rabotnika BiełaPAN prajšli pieratrusy.
U vyniku hałoŭny redaktar Iryna Leŭšyna, buchhałtar Kaciaryna Bajeva, były dyrektar BiełaPAN Dźmitryj Navažyłaŭ źmieščany ŭ IČU na Akreścina.
Sajty BiełaPAN — belapan.by i belapan.com — niedastupnyja.
