Siońnia na Padlaššy pačynajecca Fiestyval «Tutaka». Jon pryjšoŭ na źmienu lehiendarnamu «Basovišču»
Siońnia kala Haradka na Padlaššy (Polšča), u miescy, dzie ŭ 1990—2019 hh. prachodziŭ biełaruski muzyčny fiestyval «Basovišča», pačynajecca dvuchdzionny fest biełaruskaj kultury pad nazvaj Fiestyval abudžanych «Tutaka».
Siarod vykanaŭcaŭ na scenie kala Haradka vystupiać: trya Sieržuka Doŭhušava, a taksama Marharyta Laŭčuk, Vieranika Kruhłova, Valeryja Dele i Naviband.
«Na hałoŭnaj scenie vystupiać muzyčnyja vykanaŭcy ź Biełarusi, u toj ci inšy čas vymušanyja pakinuć krainu z pryčyny pieraśledu i represij, — skazaŭ SvabodzieŹmicier Kościn. — Jak by my ni chacieli, nie ŭdajecca nam pakul što sioleta mieć na scenie vykanaŭcaŭ nie z emihracyi, a ź Biełarusi».
Akramia kancertaŭ, na fiestyvalnaj scenie buduć adbyvacca dyskusii na roznyja temy:
Kancerty i dyskusii Fiestyvalu abudžanych buduć tranślavacca na Jutub-kanale fundacyi «Tutaka», jakaja arhanizuje fiestyval.
«Čamu naš fiestyval nazyvajecca Fiestyvalem abudžanych «Tutaka»? Fiestyval «Basovišča» byŭ abudžeńniem biełarusaŭ Padlašša 30 hadoŭ tamu. Ciapier, paśla letašniaha žniŭnia, usia Biełaruś i ŭsie biełarusy pieražyvajuć abudžeńnie. I hety momant abudžeńnia abjadnoŭvaje nas, biełarusaŭ Padlašša tutaka, i ŭsich inšych», — patłumačyŭ Svabodzie nazvu festu Pavał Stankievič, staršynia fundacyi «Tutaka».
