«Vyniki chakierskaj ataki zavyšanyja». Kamiery chutkaści ŭ Biełarusi zabłakavanyja chakierami?
Na minułych vychadnych u Telegram raspaŭsiudziłasia infarmacyja ab błakavańni hrupaj chakieraŭ kamier chutkaści. Śćviardžałasia, što byŭ naniesieny ŭdar pa sistemie fotafiksacyi. U jakaści dokazu pryvodzili niekalki skrynšotaŭ z prahram, jakija pradstavili jak bazy danych, prahramy ŭnutranaha karystańnia. Onliner źviarnuŭsia da apieratara sistemy fotafiksacyi SZAT «Biaśpiečnyja darohi Biełarusi», kab vyśvietlić, nakolki infarmacyja adpaviadaje rečaisnaści. Tam kažuć: zajaŭlenyja vyniki ataki pierabolšanyja.
Onliner źviarnuŭsia ŭ SZAT «Biaśpiečnyja darohi Biełarusi» z pytańniami: pa-pieršaje, nakolki infarmacyja adpaviadaje rečaisnaści; pa-druhoje, ci źviartalisia pradstaŭniki SZAT z zajavaj u MUS? I dadatkova: jakija zachady robiacca dla abarony danych?
Siońnia pryjšoŭ adkaz. U im pradstaŭniki SZAT «Biaśpiečnyja darohi Biełarusi» adznačajuć: «Chakierskaja ataka ŭ dačynieńni da infarmacyjnych resursaŭ sapraŭdy była zafiksavanaja. Adnak zajaŭlenyja ŭ sacyjalnych sietkach jaje vyniki niekalki zavyšanyja. Sistema fotafiksacyi pracuje ŭ štatnym režymie. Infarmacyja ab parušeńniach pieradajecca ŭ MUS. Nijakija danyja nie stračanyja. Pa fakcie incydentu praviedziena ŭnutranaje rasśledavańnie, robiacca zachady pa pavyšeńni abaronienaści niekatorych typaŭ pieryfieryjnych pryład. SZAT źviarnułasia ŭ MUS z prośbaj rasśledavać incydent».
