Litva pačała masava viartać mihrantaŭ u Biełaruś. Pamiežniki-litoŭcy kažuć pra 180 mihrantaŭ, biełarusy — pra 40
Z paŭnočy ź Litvy ŭ Biełaruś viarnuli kala 180 nielehalnych mihrantaŭ, jakija źbiralisia pierasiekčy dziaržaŭnuju miažu ź Biełarusi.
Pra heta paviedamiŭ žurnalistam u aŭtorak kiraŭnik Słužby achovy dziaržaŭnaj miažy Litvy Rustamas Lubajevas.
Pamiežniki atrymali paŭnamoctvy viartać nielehalnych mihrantaŭ, jakija sprabujuć trapić u Litvu, na padstavie pryniataha litoŭskim ministram unutranych spraŭ Ahnie Biłatajte ŭ paniadziełak uviečary rasparadžeńnia.
Biełaruskija pamiežniki zafiksavali pierasiačeńnie miažy 40 mihrantami z terytoryi Litvy.
«Nazvanyja hramadzianie majuć prykmiety cialesnych paškodžańniaŭ roznaj stupieni ciažkaści, a taksama znachodziacca ŭ pryhniečanym maralna-psichałahičnym stanie. Siarod ich jość žančyny i dzieci, u dačynieńni da jakich taksama ŭžyvałasia fizičnaja siła», — śćviardžajuć biełaruskija pamiežniki.