Z vypusknikoŭ Bieraściejščyny spahnali amal 500 tysiač rubloŭ za toje, što jany nie adpracavali raźmierkavańnie
Bolš za 483 tysiačy rubloŭ spahnali z pačatku hoda z vypusknikoŭ Bresckaj vobłaści, jakija nie adpracavali raźmierkavańnie, paviedamlaje Hienprakuratura.
Za paŭhoda prakurory padali 110 pazovaŭ. Tyja ź ich, jakija ŭžo paśpieli razhledzieć sudy, zadavoleny ŭ poŭnym abjomie, paviedamlaje viedamstva.
Rašeńni, jakija ŭstupili ŭ siłu, redka vykonvalisia ŭ dobraachvotnym paradku, adznačaje prakuratura: davodziłasia inicyjavać spahnańnie srodkaŭ u prymusovym paradku.
Siarod inšaha, praduhledžvajecca časovaje abmiežavańnie pravoŭ daŭžnika na vyjezd z krainy i kiravańnie transpartnymi srodkami.
U jakaści ilustracyi pryvodziacca dva prykłady.
Dziaŭčyna try hady vučyłasia ŭ prafiesijnym licei na kuchara-kandytara. Adnak da miesca raboty dziaŭčyna nie prybyła. Pavodle raźliku vydatki za čas jaje navučańnia ŭ licei skłali bolš za 13,9 tys. rubloŭ, jakija spahnaŭ sud.
Inšaja dziaŭčyna prystupiła da pracy pa raźmierkavańni, adnak praz 2 miesiacy jaje zvolnili za prahuły biez pavažnych pryčyn. U sudovym paradku ź jaje spahnali 10 tysiač rubloŭ.
