Biełaruska, što pražyvaje ŭ Tokia, zajaviła, što hatova prytulić u siabie Kryścinu Cimanoŭskuju
Uradženka Biełarusi, jakaja žyvie ŭ Tokia, hatovaja ŭ vypadku nieabchodnaści dać prytułak u siabie suajčyńnicy Kryścinie Cimanoŭskaj.
Pra heta žančyna, jakaja prybyła ŭ aeraport Chaneda, dzie, jak miarkujecca, znachodzicca biełaruskaja spartoŭka, raspaviała karespandentu TASS.
«Ja daviedałasia pra naviny z Telegram-kanałaŭ i adrazu pryjechała [u aeraport]. Jana ž zusim adna, raptam joj spatrebicca dapamoha», — raspaviała žančyna, jakaja pradstaviłasia Natallaj.
Jana taksama padkreśliła, što hatovaja dać prytułak u siabie doma Kryścinie, kali joj heta spatrebicca.
Tym časam rejs avijakampanii Turkish Airlines, na jakim, jak mierkavałasia, mielisia adpravić Kryścinu z Tokia ŭ Stambuł, vylecieŭ pavodle raskładu z aeraporta Chaneda.
Raniej pradstaŭnik avijakampanii kazaŭ, što Cimanoŭskaja nie prachodziła rehistracyju na hety rejs. Jak miarkujecca, jana znachodzicca ŭ palicejskim učastku ŭ aeraporcie.
