Baku vyklikaŭ časovaha pavieranaha Rasii z-za słoŭ Žyrynoŭskaha. Ich paličyli abraźlivymi
Časovy pavierany ŭ spravach Rasii ŭ Azierbajdžanie vyklikany ŭ MZS respubliki praz vykazvańni lidara ŁDPR Uładzimira Žyrynoŭskaha.
Azierbajdžanski bok paličyŭ abraźlivymi słovy palityka, skazanyja im u padkaście «Vyniki z Žyrynoŭskim na radyjo «Kamsamolskaja praŭda» 30 lipienia. Baku vykazaŭ pratest i pieradaŭ notu, piša RBK.
«Padčas sustrečy [z časovym pavieranym] my vykazali surjoznuju zaniepakojenaść i pratest u suviazi z praduziatymi i abraźlivymi vykazvańniami Uładzimira Žyrynoŭskaha, deputata Dziaržaŭnaj dumy Rasijskaj Fiederacyi, staršyni ŁDPR», — havorycca ŭ paviedamleńni.
Niezadavolenaść Baku vyklikaŭ padkast z Žyrynoŭskim, u jakim jon, adkazvajučy na pytańnie, navošta Rasii ŭmiešvacca ŭ kanflikt Azierbajdžana i Armienii, nazvaŭ Paŭdniovy Kaŭkaz zonaj upłyvu Rasii. Rasija pavinna «viarnucca na terytoryi Rasijskaj impieryi i Savieckaha Sajuza», ličyć jon.
«I 200 hadoŭ jany byli pad našymi ściahami. Tamu tut nam vyhadna, jany ž zavuć. My tudy nie idziom z vajnoj, a armianie prosiać, ale kab nie hinuli ruskija sałdaty, my vyklikajem darahoha kiraŭnika Azierbajdžana i adzin na adzin havorym: Ilcham, tvoj baćka byŭ vialiki i mudry čałaviek — Hiejdar Alijeŭ. Vydatny, ja jaho viedaŭ. Tamu, Ilcham, u ciabie budzie terytoryja, jakuju tabie chočacca, ale nivodnaha ruskaha sałdata nichto nie maje prava! Navat pahladzieć kosa! Ty mianie zrazumieŭ?» — skazaŭ Žyrynoŭski.
