Izrail pieršym u śviecie pačaŭ masavuju vakcynacyju treciaj dozaj Pfizer
Ułady Izraila abviaścili pra start masavaj revakcynacyi ad karanavirusa ŭ krainie. Heta pieršaja dziaržava ŭ śviecie, što pajšła na taki krok.
Treciuju dozu vakcyny Pfizer/BioNTech zmohuć atrymać ludzi starejšyja za 60 hadoŭ, jakija zaviaršyli kurs vakcynacyi dvuma dozami nie mienš za piać miesiacaŭ tamu, piša meduza.io.
Ułady patłumačyli nieabchodnaść revakcynacyi raspaŭsiudžvańniem u krainie štamu delta.
Izrail byŭ adnym lidaraŭ siarod usich krain śvietu pa tempach vakcynacyi ŭ pačatku hoda. Užo da krasavika tam byli pryščepleny 60% nasielnictva.
Ale ŭ apošni miesiac u Izraili z-za raspaŭsiudžvańnia štamu delta zachvorvańnie rezka vyrasła — zaraz u 10-miljonnaj krainie rehistrujecca kala dźviuch tysiač vypadkaŭ u dzień. U červieni štodnia chvareli tolki niekalki dziasiatkaŭ čałaviek.
