Našaniŭcy zastajucca za kratami. Im vystavili abvinavačvańnie
Siońnia skončyłasia 10 sutak ad momantu paŭtornaha zatrymańnia našych kaleh pa kryminalnaj spravie, kali śledstva pavinna było vystavić abvinavačvańnie.
Jahora Marcinoviča i Andreja Skurko nie vyzvalili, jany zastajucca ŭ SIZA na Vaładarskaha. Vynikaje, što im vystavili abvinavačvańnie pa č.2 art. 216 KK (naniasieńnie majomasnaj škody biez prykmietaŭ raskradańnia hrupaj asobaŭ).
Sens pretenzijaŭ u tym, što apłata za kamunalnyja pasłuhi pamiaškańnia była pa taryfach dla fizasobaŭ, a treba było płacić pa taryfach dla jurasobaŭ. Śledčyja naličyli, što za čatyry pradpryjemstvu «Minenerha» byŭ naniesieny ŭron — 3,5 tysiačy rubloŭ. Samo pradpryjemstva z pretenzijami nikoli nie źviartałasia.
Našaniŭcy pryznanyja palitviaźniami. Jahor Marcinovič pry zatrymańni źbity, u SK jamu vylikali chutkuju dapamohu. Andrej Skurko chvory na dyjabiet, u SIZA jon adrazu patrapiŭ u miedčastku — vyjavilisia prablemy ź lohkimi.
Padtrymajcie našanicaŭlistom! 220030, h. Minsk, vuł. Vaładarska, 2. SIZA-1
