Kolki budzie kaštavać razhrom dabračynnaj płatformy «Imiena»
Ułady chočuć likvidavać arhanizacyju, jakaja dapamahała 39 sacyjalnym prajektam. «Imiena» supracoŭničali, naprykład, z Čyrvonym Kryžom, Biełaruskim dziciačym chośpisam, pošukavym atradam «Anhieł», — arhanizacyjami, jakija zaŭsiody pryznavała i ŭłada. «Anhieł» užo zajaviŭ, što biez dapamohi płatformy «Imiena» praciahvać pracu prablematyčna.
«Naša Niva» pahladzieła, kolki hrošaj «Imiena» sabrali i pieradali na samyja bujnyja prajekty, pačynajučy z 2017 hoda.
— Na apłatu pracy niań, jakija ŭ balnicach dahladali niemaŭlat-sirot — 750 tysiač rubloŭ
— Na srodki abarony ad karanavirusa dla sacrabotnikaŭ i starych — 377 tysiač
— Na domiki dla dziaciej z ankałohijaj, dzie jany mohuć žyć z baćkami — 304 tysiačy
— Na prytułak dla žančyn ź dziećmi, jakija paciarpieli ad chatniaha hvałtu — 286 tysiač
— Na pošuk źnikłych ludziej — 326 tysiač
— Na dahlad niamohłych starych u rehijonach — 276 tysiač
— Na słužbu, jakaja dapamahała nievylečna chvorym dzieciam u rajonach — 257 tysiač
— Na dapamohu biazdomnym — 230 tysiač rubloŭ
Vychodzić bolš za 2,8 młn rubloŭ. Ahułam za čas pracy płatforma sabrała amal 7 miljonaŭ rubloŭ. Usie hetyja pytańni pavinna zakryvać dziaržava, jakaja pa Kanstytucyi źjaŭlajecca sacyjalnaj.
