Miniust pačaŭ pazapłanavuju pravierku Zhurtavańnia biełarusaŭ śvietu «Baćkaŭščyna»
Mižnarodnaja hramadskaja arhanizacyja «Zhurtavańnie biełarusaŭ śvietu «Baćkaŭščyna»» 6 lipienia atrymała list Ministerstva justycyi z paviedamleńniem ab pačatku praviadzieńnia «kantrolnych mierapryjemstvaŭ pa vyvučeńni dziejnaści [arhanizacyi] na pradmiet adpaviednaści patrabavańniam zakanadaŭstva Respubliki Biełaruś i statuta».
Vystup Uładzimira Makieja na Źjeździe biełarusaŭ śvietu ŭ 2017 hodzie. Źjezdy arhanizoŭvała «Baćkaŭščyna»
Dakumienty za apošnija try z pałovaj hady, pieralik nazvaŭ jakich zajmaje try staronki, nieabchodna pradastavić u Ministerstva da 13 lipienia.
Asnoŭnaja častka dakumientaŭ tyčycca pracy vybarnych orhanaŭ Zhurtavańnia, ale jość i taki punkt: «dakumienty, što tyčacca arhanizacyi «Baćkaŭščynaj» škoł, kursaŭ pa vyvučeńni biełaruskaj movy, kultury i historyi Biełarusi.
Raniej paviedamlałasia ab takich ža pochapkavych pravierkach Biełaruskaha PEN-Centra, Biełaruskaj asacyjacyi žurnalistaŭ, abjadnańniaŭ «Ekadom», «Źviano», a taksama Ruchu «Za svabodu».
U mai 2021 hoda ministr zamiežnych spraŭ Uładzimir Makiej namiakaŭ, što ŭ vypadku pryniaćcia jeŭrapiejskimi krainami novych abmiežavańniaŭ u adkaz na parušeńni pravoŭ čałavieka ŭ Biełarusi i eskałacyju pad udaram akažacca hramadzianskaja supolnaść Biełarusi. Makiej zaklikaŭ Zachad «adumacca».
