Doktar zaklikaje: kožny dzień myjcie tolki try častki cieła
Reštu cieła prosta zmyvajcie vadoju. Zanadta starannaje myćcio nanosić bolš škody, čym karyści.
Doktar Sendzi Skatnicki, vykładčyk dermatałohii va Univiersitecie Taronta, padkreślivaje, što praźmiernaja hihijena pravakuje skuranyja chvaroby, u tym liku ekzemu. Heta chvaroba z takimi simptomami, jak pačyrvanieńnie skury, śvierb, vydzialeńnie vadkaści z zakranutaj chvarobaj zony i, narešcie, źjaŭleńnie strupaŭ.
Jak ža zališniaja hihijena škodzić skury? Devid Lefeł, dermatołah z Jielskaj škoły miedycyny (ZŠA), tłumačyć, što myćcio — asabliva doŭhija haračyja vanny — pazbaŭlajuć skuru vielmi važnaha achoŭnaha słoja. U dadatak, my pierasušvajem skuru, što robić jaje jašče bolš uraźlivaj da paškodžańnia i razdražnieńnia, piša onet.pl.
Ale ŭsio heta nie aznačaje, što nie treba mycca. Miedyki rekamiendujuć prosta nie złoŭžyvać zanadta doŭhimi vannami i myćciom pad haračaj vadoj. Kab nie pierasušvać skuru, paśla myćcia, pakul cieła jašče nie całkam suchoje, možna skarystacca kremami dla cieła.
Jašče adna prablema — myła, hieli dla duša i šampuni. Kali mylicca zašmat i na ŭsim ciele, myła moža źniščyć karysnyja mikraarhanizmy, što spryjajuć padtrymańniu našaha imunitetu. Tolki try zony na ciele patrabujuć štodzionnaha myćcia z myłam: padpachi, stupni i pachvina. Hetyja zony najbolš uraźlivyja da bakteryjalnaha i hrybkovaha paškodžańnia, a taksama da infiekcyj, źviazanych z pavyšanym rostam vałos u hetych miescach.
