Premjer Hałoŭčanka ab dakumientach pa intehracyi: Zastałosia ŭzhadnić techničnyja momanty
Pra heta premjer-ministr Biełarusi Raman Hałoŭčanka zajaviŭ u intervju «Biełaruś 1».
BiełTA
«Istotny prahres dasiahnuty. Faktyčna havorka idzie ŭžo ab uzhadnieńni, utrascy techničnych momantaŭ. Ja ŭvieś čas znachodžusia ŭ ščylnym kantakcie z maim kaleham — staršynioj urada Rasii. Vice-premjery faktyčna štotydzień sustrakajucca. Jość vialikaja ŭpeŭnienaść u tym, što ŭ astatnija miesiacy ŭvieś pakiet sajuznych prahram budzie sfarmavany», — skazaŭ Raman Hałoŭčanka, paviedamlaje Tut.by.
«Heta stvoryć dla nas faktyčna novy płan pracy ŭ ramkach Sajuznaj dziaržavy. My damovilisia, jak my budziem harmanizavać zakanadaŭstva. Budziem vybudoŭvać roŭnyja ŭmovy dla subjektaŭ haspadarańnia praz stvareńnie adzinaha rehulavańnia i administravańnia padatkaŭ, ich struktury. Tamu ja ŭpeŭnieny, što ad ruchu pa sajuznych prahramach vyjhrajuć usie».
