Łukašenka raspavioŭ, što tydzień tamu na miažy ź Litvoj byŭ pierachopleny bieśpiłotnik z vybuchoŭkaj
Pra heta jon zajaviŭ siońnia, vystupajučy na ŭračystym schodzie da Dnia Niezaležnaści, piša BiełTA.
BiełTA
Pa słovach Łukašenki, da bieśpiłotnika była prymacavanaja kanistra z vybuchoŭkaj, jaje ŭdałosia abiasškodzić. Jon zapeŭniŭ, što ŭ bližejšy čas budzie apublikavany i hety epizod.
«Ja ščyra skazaŭ, što my nie budziem bolš trymać tych, kaho vy hnabili ŭ Afhanistanie, Iranie, Iraku. U nas niama na heta ni hrošaj, ni sił u vyniku vašych sankcyj. I, razumiejecie, nichto nie viedaje, što adbyvajecca ŭ Litvie i na miažy, heta prosta fakt. Šmat možna nazyvać hetyja fakty, ale skažu adno: ja rasparadziŭsia, kab usie hetyja epizody byli vykładzieny kankretnym čynam u ŚMI, i daručyŭ pravaachoŭnym orhanam zrabić, hruba kažučy, začystku pa ŭsioj krainie. Jany pierajšli miežy. My im daravać nie možam».
