Vypusknicy jurfaka BDU Kaciarynie Vińnikavaj, jakaja padziakavała zvolnienym pa palityčnych matyvach vykładčykam, dali 15 sutak
Dziaŭčynu sudzili pa č. 1 artykuła 24.23 za niezakonnaje pikietavańnie.
Kaciaryna Vińnikava 29 červienia padčas uračystaha ŭručeńnia dypłomaŭ vykazała padziaku sa sceny Maksimu Znaku i zvolnienym pa palityčnych matyvach vykładčykam.
Zatym u jaje ŭ internacie adbyŭsia pieratrus, byŭ kanfiskavany noŭtbuk, a dziaŭčynu zatrymali. Siońnia ŭ sudzie Leninskaha rajona Minska adbyŭsia sud (sudździa Klimčuk). Kaciarynu abvinavacili, što jana «praviała pikietavańnie», na jakoje nie byŭ atrymany dazvoł vykankama.
«Nizki pakłon Alenie Uładzimiraŭnie Łajeŭskaj, Novikavaj Kaciarynie Viktaraŭnie, Alaksieju Ivanaviču Sacharčuku, Basałaj Alenie Ivanaŭnie, Maksimu Alaksandraviču Znaku.
Dziakuj za toje, što svaim prykładam pakazali, chto taki juryst i što takoje prava!» — skazała jana.
Šmat čamu navučycca možna było taksama jašče ŭ niadaŭnich studentaŭ, a ciapier maładych pierśpiektyŭnych jurystaŭ. Naprykład, takuju mahčymaść daje mutkort-ruch [anhł. moot court — navučalny sudovy praces. — NN], va ŭdzielnikaŭ jakoha na słychu imiony samych talenavitych jurystaŭ Ksienii Viačasłavaŭny Łapućka, Illi Saleja, Ksienii Filipovič, mnohich inšych vypusknikoŭ jurfaka i FMA.
…
I pamiatajcie, kali łaska, usie, chto źbirajucca pracavać jurystami abo pracuje jurystami: prava — heta mastactva dabra i spraviadlivaści. A dabro, rozum i čałaviečaja hodnaść u sukupnaści zaŭsiody pieramahajuć».
