Stvaralnik «Sputnika» dumaje, što pieravakcynoŭvacca ad kavidu daviadziecca kožnyja paŭhoda
Pryčym heta patrabujecca rabić i tym, chto ŭžo pierachvareŭ.
Pra heta paviedamiŭ dyrektar Centra imia Hamalei Alaksandr Hincburh, paviedamlaje TASS.
Hincburh adznačyŭ, što štam, jaki vyklikaje kavid, pastajanna muciruje.
«Zaraz nieabchodna vakcynavacca, jak va ŭsich instruktyŭnych dakumientach Ministerstva achovy zdaroŭja ciapier napisana, — i napisana zusim pravilna — kožnyja paŭhoda. Vakcynavacca treba i tym, chto pierachvareŭ, dla taho, kab pastajanna mieć vysokija citry pratektyŭnych antyciełaŭ u kryvi. I kali virus traplaje da nas, nie daj boh, i my budziem infikavanyja, kab jon sustreŭsia adrazu ž z vysokaj kancentracyjaj antyciełaŭ, jakija jaho buduć niejtralizavać», — skazaŭ jon na pres-kanfierencyi ŭ aŭtorak, jašče raz zaklikaŭšy ŭsich hramadzian vakcynavacca.
Karanavirusnaja infiekcyja navat u lohkaj formie niebiaśpiečnaja nastupstvami dla arhanizma, skazaŭ jon.
«Heta zachvorvańnie vielmi padstupnaje, i prosta pierachvareć u lohkaj formie — heta nie značyć abaranicca ad hetaha zachvorvańnia. Bo jano daje vielmi ciažkaje ŭskładnieńnie, z adnaho boku, z druhoha boku, u vialikim pracencie vypadkaŭ zakančvajecca vielmi ciažkimi formami zachvorvańnia», — dadaŭ Hincburh.
Pa jaho słovach, kala 90% novych vypadkaŭ zaražeńnia ŭ Rasii prypadajuć na indyjski štam.
