U Biełarusi raspačali pieršuju kryminalnuju spravu za zarobak u kanviercie
U Biełarusi raspačataja pieršaja kryminalnaja sprava za ŭchileńnie ad vypłaty strachavych uznosaŭ (kryminalnaja adkaznaść ŭviedziena z 19 červienia 2021 hoda paśla ŭstupleńnia ŭ siłu źmianieńniaŭ u Kryminalny kodeks). Siarod fihurantaŭ — słužbovyja asoby Babrujskaha kamiercyjnaha pradpryjemstva, jakoje zajmajecca stvareńniem rekłamy, paviedamlaje Kamitet dziaržkantrolu.
«Varta adznačyć, što ŭ dačynieńni da ich raniej užo była zaviedziena i ciapier rasśledujecca kryminalnaja sprava pa č. 2 art. 243 Kryminalnaha kodeksa za ŭchileńnie ad vypłaty padatkaŭ pa faktach niavypłaty ŭ biudžet padachodnaha padatku pry vypłacie «šeraj» zarpłaty bolš za 100 supracoŭnikam hetaha zakrytaha akcyjaniernaha tavarystva», — paviedamlaje viedamstva.
Paviedamlajecca, što ŭ fond sacyjalnaj abarony nasielnictva niedapłačana amal 375 tysiač rubloŭ.
Raspačataja kryminalnaja sprava pa č. 2 art. 2433 Kryminalnaha kodeksa (uchileńnie ad vypłaty strachavych uznosaŭ).
