Praces ab pryznańni pradukcyi Tut.by i sacsietak ekstremisckimi prypynili na niavyznačany termin
Była padadziena zajava pra abskardžańnie dziejańniaŭ kamisii pa vyniasieńni ekśpiertnaha zaklučeńnia.
Jaje budzie razhladać Ekanamičny sud. Data pasiadžeńnia pakul nie vyznačana.
Praces pačaŭsia siońnia ŭ sudzie Centralnaha rajona Minska. MUS vystupiła ź inicyjatyvaj, kab sajt, sacsietki i ŭsie materyjały partała pryznali ekstremisckimi. Razhladaje spravu sudździa Taćciana Skapiec.
Pradstaŭnik MUS padaŭ chadajnictva, kab praces zrabili zakrytym, bo ŭ materyjałach spravie majecca zaklučeńnie Respublikanskaj ekśpiertnaj kamisii pa acency infarmacyjnaj pradukcyi na pradmiet najaŭnaści (adsutnaści) ŭ joj prykmiet prajavy ekstremizmu.
Kab nie dapuścić ahałošvańnia źviestak z zaklučeńnia, MUC i prosić praces zakryć. Što i było zroblena. Ale pakul u pracesie pierapynak.
Nahadajem, što 18 maja ŭ redakcyju partała i dadomu da niekatorych supracoŭnikaŭ pryjšli siłaviki. Z 18 maja partał zabłakavany, a 15 supracoŭnikaŭ kampanii, uklučajučy hałoŭnaha redaktara Marynu Zołatavu, aryštavanyja pa kryminalnaj spravie.
