Dvoje maładziečancaŭ atrymali sutki za niadzielnuju akcyju la pomnika pakutnikam za volu i niezaležnaść Biełarusi

Za akcyju kala Pomnika pakutnikam za volu i niezaležnaść Biełarusi dvum maładziečancam prysudzili sutki administracyjnaha aryštu, paviedamlaje «Rehijanalnaja hazieta».

Piotr Dyko atrymaŭ 15 sutak aryštu, a Žanna Pilučonak — 25 sutak.

Jašče dźviuch žančyn, u jakich byli niepaŭnaletnija dzieci, u niadzielu adpuścili z adździaleńnia. Pra sudy nad imi pakul ničoha nieviadoma.

Nahadajem, u hetuju niadzielu, 20 červienia, la Pomnika pakutnikam za volu i niezaležnaść Biełarusi, pa mierkavańni supracoŭnikaŭ milicyi, prajšła niesankcyjanavanaja akcyja. Ludziej, što znachodzilisia pobač, zatrymali milicyjaniery. U adździaleńnie milicyi taksama byli dastaŭleny dva karespandenty «Rehijanalnaj haziety», što znachodzilisia la pomnika.

0

0

0

0

0

0