SAAZ: Maski i sacyjalnaja dystancyja zastanucca nieabchodnymi, niahledziačy na vakcynacyju
Śpiecyjalny pasłańnik Suśvietnaj arhanizacyi achovy zdaroŭja pa pytańniach baraćby z pandemijaj COVID-19 Devid Nabara ličyć, što maski i sacyjalnaja dystancyja zastanucca nieabchodnymi, niahledziačy na vakcynacyju. Takija patrabavańni abumoŭleny mutacyjaj karanavirusa.
«Jak hramadzianin ja dumaju, što pryjšoŭ čas usim nam zrazumieć, jak my budziem praciahvać svajo žyćcio. My nie možam prosta pierastać rabić usio z-za strachu. Zamiest hetaha my pavinny navučycca raspaznavać prykmiety, jakija hety virus daje ŭ peŭnaj halinie. Tady my pavinny vielmi dakładna viedać, što treba zrabić, kab usio nie skončyłasia vybuchovaj uspyškaj, jakaja zabivaje šmat ludziej», — skazaŭ Nabara.
Maski i sacyjalnaja dystancyja zastanucca nieabchodnymi ŭ budučyni, pakolki virus mutuje, padkreśliŭ jon. Jon taksama zaklikaŭ być aściarožnymi pry padarožžach, adznačyŭšy, što pavinny być tolki «absalutna nieabchodnyja padarožžy».