Niečakanyja nastupstvy sankcyj: Michaił Huceryjeŭ moža pazbavicca vypłaty adličeńniaŭ za svaje pieśni ŭ krainach ES
Staršynia savieta dyrektaraŭ hrupy «Safmar» Michaił Huceryjeŭ jak paet-piesieńnik moža sutyknucca z prablemaj vypłaty rojałci — adličeńniaŭ za vykarystańnie tvoraŭ jaho aŭtarstva — u krainach ES, jakija ŭviali suprać jaho (i aficyjnaha Minska) sankcyi, ličać ekśpierty ŭ halinie intelektualnaha prava, piša RBK.
RBK
Pieśni na jaho teksty vykonvajuć, u pryvatnaści, Ała Puhačova, Hryhoryj Leps, Mikałaj Baskaŭ. Siarod piesień, napisanych na vieršy Huceryjeva, naprykład, Love Story ŭ vykanańni Michaiła Šufucinskaha, «Horki smak buziny» Lubovi Uśpienskaj, «Višniovyja ružy» Iosifa Kabzona. Usiaho Huceryjeŭ napisaŭ vieršy bolš čym dla 300 piesień.
U sankcyjnyja śpisy ES Huceryjeŭ trapiŭ 21 červienia 2021, pakolki jon maje biznes-intaresy ŭ Biełarusi i źjaŭlajecca daŭnim siabram Alaksandra Łukašenki, patłumačyła Rady Jeŭropy.
U Jeŭropie viaščajuć ruskamoŭnyja stancyi, u efiry jakich hučyć i sučasnaja papularnaja muzyka. Naprykład, na Kipry pad brendam «Ruskaje radyjo» pracujuć stancyi ŭ Limasole, Nikasii, Pafasie i Łarnacy.
Ich prahramny dyrektar Jana Sobaleva admoviłasia patłumačyć, ci moža zaraz «Ruskaje radyjo» na Kipry tranślavać pieśni na vieršy Huceryjeva.
Usie jeŭrapiejskija rachunki i aktyvy členaŭ sankcyjnych śpisaŭ buduć zabłakavanyja. Kali ŭ Huceryjeva jak paeta-piesieńnika jość damova z arhanizacyjaj kalektyŭnaha kiravańnia pravami ź ES, jakaja vypłačvaje aŭtaram rojałci za vykarystańnie ich piesień, to heta jurydyčnaja asoba nie budzie mieć prava pieraličvać srodki na karyść Huceryjeva, kaža Siarhiej Hłandzin, śpiecyjalny daradca pa sankcyjnym pravie kalehii advakataŭ Pen & Paper.
Pavodle jaho słoŭ, takaja arhanizacyja pavinna budzie zamarozić srodki, pryznačanyja Huceryjeva, u siabie na śpiecyjalnym depazitnym rachunku.
