Łukašenka ŭ Bresckaj krepaści pra Zachad: Voś užo sapraŭdy historyja tak ničomu i nie navučyła
Alaksandr Łukašenka 22 červienia padčas cyrymonii ŭskładańnia viankoŭ u Bresckaj krepaści adznačyŭ, što taja letniaja ranica 1941 h. stała miažoj pamiž miram i vajnoj, paviedamlaje BiełTA.
Łukašenka adznačyŭ, što da pačatku lipienia 1941-ha «siabry i vorahi SSSR varažyli, kolki jašče kraina pratrymajecca — dva tydni, try ci miesiac?». Pa jaho słovach, bierlinskija stratehi ŭžo zapłanavali fašyscki parad na Krasnaj płoščy ŭ Maskvie, adnak nacyscki blickryh sarvaŭsia la ścien Bresckaj krepaści.
— Na realizacyju kalarovaha blickryhu byli kinutyja vielizarnyja finansavyja resursy. Za apošni hod my vyprabavali na sabie dziejańnie samych sučasnych technałohij hibrydnaj vajny, — skazaŭ Łukašenka.
Taksama ŭ vystupie Łukašenka zakranuŭ temy uviedzienych sankcyj.
— Učora ŭviali ekanamičnyja sankcyi suprać našych ludziej i pradpryjemstvaŭ. 22 červienia, nočču. Voś užo sapraŭdy historyja tak ničomu i nie navučyła. < … > Toje, što kalektyŭny Zachad praciahvaje mroić pra «kidok na ŭschod», suśvietnaje panavańnie i zachop bahatych resursaŭ, my heta vydatna bačym. Skažu tym, chto da hetaha času nie zrazumieŭ. Zrazumiejcie raz i nazaŭsiody: my rodnuju ziamlu, niezaležnaść i suvierenitet nikomu nie addamo, — zajaviŭ Łukašenka.