Karanavirus Delta zarehistravany amal u pałovie krain śvietu
Upieršyniu vyjaŭleny ŭ Indyi delta-varyjant COVID-19 zarehistravany ŭ 92 krainach. Chutkaść raspaŭsiudu novaha štamu karanavirusa vyklikaje zaniepakojenaść u navukoŭcaŭ, pakolki jon bolš zarazny.
Pra heta ŭ chodzie bryfinhu paviedamiła ekśpiert Suśvietnaj arhanizacyi achovy zdaroŭja (SAAZ) Maryja van Kierkchovie, paviedamlaje RBK-Ukraina.
Pavodle jaje słoŭ, takaja chutkaść raspaŭsiudu delta-štamu COVID źviazana, u tym liku, z admovaj ludziej ad zachavańnia epidemijałahičnych patrabavańniaŭ.
«Papiarednija daśledavańni taksama śviedčać, što zaražeńnie hetym varyjantam pavialičvaje ryzyku špitalizacyi», — dadała śpiecyjalist.
Pradstaŭnica SAAZ taksama adznačyła, što dla ŭziaćcia pad kantrol raspaŭsiudžvańnie hetaha varyjantu karanavirusa spatrebicca bolš času.
«Niekatoryja vakcyny mienš efiektyŭnyja suprać štamu «Delta», adnak jany ŭ lubym razie dapamahajuć praduchilić uźniknieńnie ciažkich formaŭ zachvorvańnia i źnizić śmiarotnaść», — padkreśliła jana.