U Rasii ŭźnikajuć prablemy z naroščvańniem vytvorčaści «Sputnika». Arhiencincy nie mohuć atrymać druhi kampanient
Ułady Arhienciny viaduć intensiŭnyja pieramovy z Rasijaj, kab damahčysia adpraŭki partyi z druhim kampanientam vakcyny ad karanavirusa «Sputnik V», piša RBK.
Arhiencincy, jakija pryščapilisia «Sputnikam V» nieŭzabavie paśla pastaŭki, vierahodna, užo zaviaršyli kurs vakcynacyi, adnak tyja, chto vakcynavaŭsia pieršym kampanientam u sakaviku-krasaviku 2021 hoda, da hetaha času čakajuć druhuju pryščepku.
Pavodle źviestak uładaŭ, da siaredziny červienia ŭ krainu pastupiła amal 7,9 młn doz pieršaha kampanienta i krychu bolš za 1,5 młn doz druhoha kampanienta. Ułady Arhienciny ŭžo pavialičyli termin pamiž pieršaj i druhoj pryščepkaj da 12 tydniaŭ.
Rasija sutyknułasia ź ciažkaściami z naroščvańniem vytvorčaści «Sputnika V», tamu ŭłady Arhienciny niepakojacca ab budučych pastaŭkach.
