Pamior ad kavidu łatvijski piśmieńnik Słava Se
Łatvijski piśmieńnik Viačasłaŭ Sałdacienka, viadomy pad psieŭdanimam Słava Se, pamior ad uskładnieńniaŭ paśla karanavirusa.
Publicitātes foto / Delfi.lv
Pra heta paviedamiła rasijskaja śpiavačka Elmira Halejeva, piša iz.ru.
«Cudu nie adbyłosia. Słava syšoŭ. Naš lubimy Słava. Nievymoŭny bol», — napisała jana.
Sałdacienka byŭ špitalizavany ŭ adnu z ryžskich balnic z dvuchbakovaj pnieŭmanijaj, vyklikanaj karanavirusam, jašče 3 červienia. Piśmieńniku było 52 hady.
Sałdacienka naradziŭsia ŭ 1969 hodzie ŭ Ryzie, skončyŭ psichałahičny fakultet mižnarodnaha instytuta praktyčnaj psichałohii. Staŭ šyroka viadomy ŭ internecie dziakujučy natatkam u «Žyvym časopisie», jakija publikavaŭ pad psieŭdanimam Słava Se i partretam Adryjana Čelentana.
U 2010 hodzie byŭ udastojeny čytackaj premijaj internet-servisu «Imchaniet» u naminacyi «Lubimyja žurnalisty«, taksama byŭ saaŭtaram scenaryja «Džentlmieny, udačy!» (2012).
