Biełaruś adzinaja ŭ AAN prahałasavała suprać rezalucyi pa Mjanmie
Redki vypadak u historyi biełaruskaj dypłamatyi.
Rezalucyja pa situacyi ŭ Mjanmie — tam u lutym hetaha hoda adbyŭsia vajskovy pieravarot — była pryniataja Hienieralnaj asamblejaj AAN 18 červienia.
Rezalucyja zaklikaje da adnaŭleńnia demakratyčnaha pracesu i pavahi da pravoŭ čałavieka.
119 krain prahałasavali «za», 36 ustrymalisia — siarod ich Kitaj, Rasija i Indyja. I tolki adna kraina prahałasavała suprać. Heta była Biełaruś.
Kuba i Vieniesueła ŭstrymalisia. Turkmienistan i Paŭnočnaja Kareja nie hałasavali.
Rezalucyi AAN majuć simvaličny charaktar. Dla pryniaćcia realnych mier treba rašeńnie Rady biaśpieki, a tam Kitaj i Rasija majuć prava vieta.
Pieravarot u Mjanmie adbyŭsia 1 lutaha. Armija admianiła vyniki vybaraŭ, paśla taho jak druhi raz zapar partyja, jakaja maje padtrymku vajskoŭcaŭ, atrymała absalutnuju mienšaść hałasoŭ. Dziaržaŭnaja daradca Aŭnh San Su Čžy i inšyja lidary partyi-pieramožcy, Nacyjanalnaj lihi za demakratyju, zastajucca pad aryštam.
Suviazi Biełarusi z Mjanmaj minimalnyja. Mjanma — adna z najbiadniejšych krain śvietu — kuplaje ŭ Biełarusi zbroju.