«Heta fejk». Hałoŭny redaktar «Sovietskoj Biełoruśsii» parazvažaŭ ab svabodzie słova ŭ zachodnim śviecie
Zachodniaja svaboda słova — heta naviazany nam fejk dla mahčymaści cisnuć na Biełaruś. Takoje mierkavańnie vykazaŭ hałoŭny redaktar «Sovietskoj Biełoruśsii» Dźmitryj Žuk u efiry BT.
«Hetaja situacyja z Pratasievičam, z pavodzinami žurnalista BBC (telekarparacyja, jakaja, darečy, isnuje na padatki brytancaŭ), pavodziny šerahu pasłoŭ zachodnich krain śviedčać pra što? Svaboda słova i svaboda presy ŭ zachodnim śviecie — heta fejk, jaki nam naviazany dla taho, kab prymać da nas niejkija karnyja miery», — padkreśliŭ Dźmitryj Žuk.
Na jahonuju dumku, niezaležnaść i niepraduziataść śledstva na Zachadzie — heta taksama fejk.
«Jany nie chočuć čuć, nie chočuć bačyć, raźviarnulisia i pajšli. Praŭda ich nie cikavić. Zrešty, i nie cikaviła nikoli», — pierakanany Žuk.
