Sankcyi ZŠA ŭ dačynieńni da dziaržaŭnaj pazyki Rasii ŭstupajuć u siłu
Finansavym arhanizacyjam ZŠA zabaroniena ŭdzielničać u raźmiaščeńni na pieršasnym rynku rublovych abo nierublovych ablihacyj, vypuščanych paśla paniadziełka, 14 červienia, Bankam Rasii, Fondam nacyjanalnaha dabrabytu abo Ministerstvam finansaŭ RF, piša DW.
Akramia taho, hetym viedamstvam zabaroniena pradastaŭlać pazyki ŭ luboj valucie.
Ustupleńnie amierykanskich abmiežavalnych mier u siłu adbyłosia za dva dni da sustrečy ŭ Ženievie prezidentaŭ ZŠA i RF Džozefa Bajdena i Uładzimira Pucina. Adnosiny Rasii i šerahu zachodnich dziaržaŭ u apošnija tydni abvastrylisia.
Bajden padpisaŭ ukaz ab novych sankcyjach u dačynieńni da dziaržaŭnaj pazyki RF u siaredzinie krasavika. Vašynhton patłumačyŭ ich źjaŭleńnie «rašučym adkazam» na «škodnickija dziejańni Rasii za miažoj». Da hetaha ŭ dačynieńni da suvierennaj pazyki RF dziejničała adzinaje abmiežavańnie — inviestary z Złučanych Štataŭ ad žniŭnia 2019 hoda nie mahli ŭdzielničać u pieršasnych raźmiaščeńniach suvierennych jeŭraablihacyj.
