U Minenierha raspaviali, kolki miljonaŭ dalaraŭ u hod na imparcie pryrodnaha hazu dazvolić zekanomić BiełAES
BiełAES dazvolić krainie zekanomić kala 550 młn dalaraŭ u hod na imparcie pryrodnaha hazu. Pieršy enierhabłok užo dazvoliŭ zekanomić valuty bolš čym na 100 młn dalaraŭ. Pra heta ŭ efiry BT zajaviŭ namieśnik ministra enierhietyki Michaił Michadziuk.
«Pieršy enierhabłok BiełAES z momantu ŭklučeńnia ŭ abjadnanuju enierhasistemu vypracavaŭ 2,9 młrd kVt.h elektraenierhii. Heta dazvoliła krainie zekanomić valuty bolš čym na 100 młn dalaraŭ. Nie zakuplali my impartavany pryrodny haz dla vypracoŭki elektraenierhii. Z ulikam taho, što stancyja pierajšła pracavać u režym pramysłovaj ekspłuatacyi, ekanamičny efiekt źnižeńnia valutnaj nahruzki na krainu ŭ hod składzie kala 550 młn dalaraŭ», — patłumačyŭ Michadziuk.
«Uzrovień žyćcia nasielnictva raście, tamu my raspracavali razam z abłvykankamami prahramu na najbližejšuju piacihodku, jakaja maksimalna zadavolić popyt nasielnictva. My budziem padvojvać kolkaść sietak, jakija padlahajuć rekanstrukcyi», — dadaŭ namieśnik ministra.
