Kala Minska budujuć novy dom — sicichaŭs. Jak jon vyhladaje i jakija ŭ im kvatery? ŠMAT FOTA
U žyłym kompleksie «Zialonaja havań» kala Minska budujuć novyja małapaviarchovyja kvaternyja damy — sicichaŭsy. Zabudoŭščyk «A-100 Deviełapmient» raspavioŭ pra adzin ź ich i pakazaŭ płaniroŭki sa stylnymi interjerami.
Čatyrochpaviarchovy dom vykanany sa zbornych žalezabietonnych kanstrukcyj. Uciaplalnik taŭščynioj 160 mm i fasad z vykarystańniem tynkoŭki «pad cehłu» i falcavaha mietału stvarajuć sapraŭdy niestandartnaje abličča: składana znajści ŭ Biełarusi choć niešta padobnaje.
Architektary stvarali sicichaŭsy jak damy, u jakich abjadnoŭvajucca dźvie supraćlehłaści: zaharadny i haradski farmaty. Haradski kamfort tut, vidavočna, pradstaŭleny raźvitaj infrastrukturaj i blizkaściu da Minsku. A voś asablivaści zaharadnaha žylla realizavanyja ŭ niezvyčajnych płaniroŭkach.
Płoščy kvater — ad 40 da 100 kvadratnych mietraŭ. Na pieršym paviersie z boku dvara jany majuć ułasnyja adkrytyja terasy, niekatoryja — navat sklepy. U astatnich kvaterach praduhledžanyja zašklonyja łodžyi. Z boku vulicy ustalavanyja vokny pavialičanaj vyšyni z aharodžaj. A vyšynia stolaŭ dasiahaje bolš za piać mietraŭ na mansardnym paviersie.
Hatovyja aŭtarskija interjery
Kvatery ŭ sicichaŭsie pradajucca jak z čarnavym, tak i z čystavym azdableńniem. Dadatkova prapanujuć sučasnuju kuchniu REHAU razam z bytavoj technikaj. Stvaryć interjer budučaj kvatery možna anłajn z dapamohaj kanstruktara azdableńnia prosta na sajcie.
«Kvatery z hatovym azdableńniem stanoviacca ŭsio bolš papularnymi. I heta nie dziŭna: zabudoŭščyk zakuplaje ŭsie materyjały pa śpiecyjalnych cenach u partnioraŭ, a raboty vykonvajuć pravieranyja śpiecyjalisty — žycharam zastajecca tolki pieravieźci rečy, — raspaviadajuć u «A-100 Deviełapmient». Takim farmatam čaściej cikaviacca maładyja siemji, a taksama ludzi va ŭzroście: zvyčajna im nie chočacca marnavać čas na ramont. A hatovaje azdableńnie dazvalaje ludziam zekanomić nie tolki čas, ale i hrošy. U mnohich krainach heta daŭno stała standartam dla novaj žyłoj nieruchomaści. Pastupova taki trend nabiraje abaroty i ŭ nas».
Jak kupić?
Kupić kvateru ŭ «Zialonaj havani» možna z dapamohaj ułasnych srodkaŭ, a taksama ŭ kredyt ad 9,99% hadavych. Na starcie prodažaŭ zabudoŭščyk prapanuje bolš nizkija ceny. Pra ceny možna daviedacca pa telefonie +375 (29) 145 69 55.
Novy sicichaŭs budzie raźmieščany na zakrytaj terytoryi ź videanazirańniem. Tut praduhledžanyja dziciačaja placoŭka, zony adpačynku z šezłonhami, vuličnymi stałami, arelami. Kala doma znachodzicca viełaboks dla zachoŭvańnia rovaraŭ, a z vonkavaha boku doma raźmieščany parkoŭki dla aŭtamabilaŭ.
Dzie znachodzicca žyły kompleks?
«Zialonaja havań» raźmieščana ŭ 3,5 km na ŭschod ad Minska, kala zakaźnika «Ścikleva» i žyvapisnych holf-paloŭ. Na vializnaj terytoryi płoščaj 220 hiektaraŭ źjaviacca damy z zakrytaj terytoryjaj, a taksama raźvitaja infrastruktura: dziciačy sad, škoła, ambułatoryja, kramy, handlovy i spartyŭny centry, dziciačyja placoŭki i zony adpačynku.
Zabudoŭščyk «A-100 Deviełapmient» imkniecca zachavać jak maha bolš darosłych drevaŭ. Žyły kompleks vielmi akuratna ŭpisany ŭ pryrodnaje asiarodździe: darohi, bulvary i alei prakładvajucca prosta siarod lesu. Takaja kancepcyja — vynik sumiesnaj pracy anhlijskich, šviedskich i biełaruskich architektaraŭ.
Usie damy ŭ «Zialonaj havani» raźmiaščajucca na zakrytaj terytoryi. Za paradkam i čyścinioj sočyć ŭłasnaja kirujučaja kampanija «A-100 Kamfort»: klijencki servis dastupny kruhłasutačna, a pakidać zajaŭki žychary mohuć anłajn u admysłovym mabilnym dadatku.
Pra zabudoŭščyka
Hrupa kampanij «A-100 Deviełapmient» bolš za 15 hadoŭ paśpiachova pracuje na rynku žyłoj i kamiercyjnaj nieruchomaści Biełarusi. U partfieli kampanii — takija maštabnyja prajekty jak «Novaja Baravaja», «Pirs», «Zialonaja havań», «Zialonyja horki», «Zialony Bor», a taksama bujnyja handlovyja kompleksy «Baro», ALL, ALL House, sietka AZS «A-100», biźnies-centr»A-100», składskija kompleksy. Usie prajekty vyłučajucca svaim paznavalnym stylem i jarkaj, niepaŭtornaj atmaśfieraj.
«A-100 Deviełapmient» ŭzvodzić sacyjalnuju infrastrukturu z takoj ža nievierahodnaj chutkaściu, jak i žyllo. Tak, u «Novaj Baravoj» užo adkrytyja try dziciačyja sadki, «škoła budučyni» i spartyŭny centr. Jašče dva dziciačyja sadki ŭviedzienyja ŭ ekspłuatacyju ŭ kłubnym kvartale «Pirs» i ŽK «Zialony Bor».
U 2019 hodzie «A-100 Deviełapmient» stała pieršym kamiercyjnym zabudoŭščykam ŭ Biełarusi, u jakoha źjaviłasia ŭłasnaja vytvorčaść: nabyty inavacyjny zavod «Sučasnyja bietonnyja kanstrukcyi», jaki całkam pakryvaje patreby kampanii ŭ materyjałach dla budaŭnictva.
